الإثنين 05/مايو/2025 - 07:15 ص

تحدث المخرج خالد يوسف، عن مشاركته في حضور فعاليات الدورة التاسعة من مهرجان أسوان الدولي لأفلام المرأة، موضحًا أن المهرجان مخصصًا للدفاع عن قضايا المرأة.

وقال خالد يوسف، في لقائه مع القاهرة 24: أنا بشوف أهمية مهرجان أسوان في مكانه لأنه في مدينة ساحرة من أجمل بلاد العالم، وأنه يبقى مخصص لأفلام المرأة والدفاع عن قضايا المرأة ده مهرجان نوعي مش كتير موجودين في العالم من مهرجان المؤسسة على أفلام المرأة.

خالد يوسف: الرقابة أساس تدمير السينما

كما تحدث المخرج خالد يوسف، عن الرقابة على المصنفات الفنية، موضحًا أنه دخل في العديد من المشاحنات مع الرقابة بسبب أفلامه، قائلًا: الرقابة هي أساس تدمير الفن والسينما والفنون بشكل عام، بالذات لما يكون فيه تحسس وخوف أن الجمهور هيعترض أو مؤسسة وياخدوا بالأحوط ويمنعوا أو يحذفوا، ده مُناخ محبط جدًا ومقيد للإبداع، ويقلل سقف الإبداع في مصر، بل ويقلل من قيمتنا كقوة ناعمة بنؤثر في محيطنا العربي.

وأردف خالد يوسف: مفيش عندي فيلم إلا ودخلت في مشكلة مع الرقابة عشان يطلع، يعني 90٪ من أفلامي إلا وقعدت في خناقة مع الرقابة عشان تطلع بالشكل ده، وعمري ما حذفت كادر الرقابة طلبته، وطلعت أفلامي زي ما أنا عايزها من أول لآخر فيلم.