انتقادات حادة من أحمد بلال لأداء الأهلي
شنّ أحمد بلال، نجم الأهلي السابق، هجومًا لاذعًا عبر قناة “النهار”، معبرًا عن خيبة أمله الكبيرة في أداء الأهلي في مباراته الأخيرة ضد إنتر ميامي، مؤكدًا أن الفريق لم يظهر بالمستوى المأمول، خاصة في بطولة كبيرة مثل كأس العالم للأندية،
تأتي هذه التصريحات في ظل تطلعات كبيرة كانت معلقة على الأهلي لتقديم أداء مشرف في البطولة، وبعد الأداء الذي وصفه بلال بـ”المخيب”، فتح باب النقاش حول استعدادات الفريق وطموحاته في المنافسة،
وقال بلال:
“أنا مش عاجباني المباراة إمبارح خالص ولا أداء الأهلي زي ما الناس بتقول، هو الأهلي أول مرة يشارك في كأس عالم للأندية؟ لأ طبعًا، الأهلي لعب مع فرق أقوى من إنتر ميامي وقدم مستويات ممتازة”،
تقييم بلال لأداء إنتر ميامي
وتابع منتقدًا الفريق الأمريكي:
“مع كامل احترامي لإنتر ميامي، لو شيلنا ميسي ونزلنا إحنا الكباتن اللي في الاستوديو نلعب، النتيجة كانت هتطلع صفر – صفر عادي، الفريق مفيهوش غير ميسي بس، هو اللي بينقل وبيلعب وبيعمل كل حاجة”،
سخرية من أداء الفريق الأمريكي
وأضاف بلال ساخرًا:
“الفرقة دي هتتغلب خمسة أو ستة من أي فريق تاني، واللي يقول إن الأهلي لعب شوط كويس، يبقى هو فاهم الكورة غلط، الشوط الكويس يعني تكسب، مش تعمل فرصة واتنين وخلاص”،
انتقادات لاذعة في ختام التصريحات
واختتم تصريحاته بنبرة غاضبة:
“إنت بتلعب قدام فرقة إمكانياتها ضعيفة جدًا، لاعيبة كبار في السن، مفيش أي تهديد حقيقي، كل اللي عندهم إنهم يبادلوا الكورة بين بعض، يعني لو الأهلي كسب شوط واتغلب في التاني، ده مش اسمه أداء جيد!”،