خضع إمام عاشور، لاعب خط الوسط في النادي الأهلي، لعملية جراحية ناجحة في أحد مستشفيات ميامي بالولايات المتحدة الأمريكية، وذلك بعد الإصابة التي تعرض لها مؤخرًا.
وكان عاشور قد أصيب بكسر في عظمة الترقوة خلال مباراة افتتاح كأس العالم للأندية بين الأهلي وإنتر ميامي الأمريكي، والتي انتهت بالتعادل السلبي.
وقبل دخوله غرفة العمليات في أمريكا، حرص نجم خط وسط النادي الأهلي، إمام عاشور، على توجيه رسالة مؤثرة إلى جماهير القلعة الحمراء.
وكتب عاشور عبر خاصية الستوري على حسابه في إنستجرام: “ما قدر الله لك فهو آت إليك، وما لم يقدره لك فلن يصيبك، الحمد لله على كل شيء، الإصابة كانت صعبة وجت في أول لحظات ليا في البطولة، وده قدر ربنا ولازم ترضى بيه، كان نفسي أكون موجود وأقاتل مع إخواتي في الملعب، بس دا نصيبي، ودلوقتي داخل أعمل العملية، وإن شاء الله أرجع أقوى، الإحساس اللي جوايا دلوقتي مش سهل بس اللي مخليني ثابت هو إيماني بدعمكم ودعواتكم، المرحلة دى محتاجة منكم تبقوا ورا كل لاعب في الفريق، سواء قديم أو جديد كلهم بيلعبوا بقلبهم وبيحبوا النادي وبيخافوا عليه، صدقوني دعمكم بيفرق جداً واللاعيبة مستنياكم زي ما دايماً واقفين في ضهرنا”.